## अक्कलकोट तालुक्यात महापूराचा कहर; गावोगावी प्रचंड नुकसान **अक्कलकोट प्रतिनिधी | लोकसेवा न्यूज**भीमा व सीना नदीला आलेल्या प्रचंड पुरामुळे अक्कलकोट तालुक्यातील चिंचोली, केगाव बुद्रुक, कुमठे, कोर्सेगाव, मुंढेवाडी, कलकर्जाळ, धारसंघ, शेगाव, आळगे व अंकलगे या गावांमध्ये मोठ्या प्रमाणावर हाहाकार माजला आहे.पूराच्या पाण्यामुळे शेतपिके वाहून गेली, घरांचे व जनावरांचे गंभीर नुकसान झाले असून अनेक कुटुंबे उघड्यावर पडली आहेत. नागरिकांना मोठ्या प्रमाणात हालअपेष्टा सहन कराव्या लागत आहेत.आज या गावांची प्रत्यक्ष पाहणी करण्यात आली. प्रभावित शेतकरी व ग्रामस्थांशी संवाद साधून त्यांच्या समस्या ऐकून घेतल्या. यावेळी प्रशासनाला तातडीने पंचनामे पूर्ण करून मदत व पुनर्वसनाची कार्यवाही गतीमान करण्याच्या स्पष्ट सूचना देण्यात आल्या.सरकारने स्पष्ट केले आहे की या आपत्तीच्या काळात राज्य नागरिकांच्या पाठीशी ठामपणे उभे असून पूरग्रस्तांना दिलासा मिळवून देण्यासाठी सर्वतोपरी प्रयत्न केले जातील.