गुजरातमध्ये महाराष्ट्राच्या दोन एसटी बसचा भीषण अपघात; अनेक प्रवासी जखमी
सूरत, प्रतिनिधी : गुजरातमधील सूरतजवळ धुळे–सूरत महामार्गावर महाराष्ट्र राज्य मार्ग परिवहन महामंडळाच्या (एसटी) दोन बसचा भीषण अपघात झाल्याची घटना समोर आली आहे. प्राथमिक माहितीनुसार अपघातात अनेक प्रवासी जखमी झाले असून जखमींना तातडीने जवळच्या रुग्णालयात उपचारासाठी दाखल करण्यात आले आहे.
घटनेची माहिती मिळताच पोलीस, अग्निशमन दल आणि आपत्कालीन बचाव पथके घटनास्थळी दाखल झाली. अपघातग्रस्त बसमधील प्रवाशांना बाहेर काढण्यासाठी बचावकार्य राबविण्यात आले. अपघातामुळे काही काळ महामार्गावरील वाहतूक विस्कळीत झाली होती.
– लोकसेवा न्यूज
अपघाताचे नेमके कारण अद्याप स्पष्ट झाले नसून संबंधित यंत्रणांकडून तपास सुरू आहे. मृत व जखमींची अधिकृत माहिती प्रशासनाकडून जाहीर करण्यात येत आहे.